Randomness runs in my veins,
sometimes I’m sad sometimes i’m happy
but i never stop being awesome :D
Reblogged from yooo-gehn  34 notes

yooo-gehn:

A Single Man


آخر فيلم شوفته وقلبلي كياني وحسيت إني لو كنت بعمل أفلام اليومين دول كنت هاعمل الفيلم ده بالذات، بالسيناريو ده بالإخراج ده بالمزيكا دي بالتمثيل ده، وأتكلم فيه عن كل حاجة ليها علاقة بوجود الإنسان على كوكب الأرض بالعمق والسلاسة والجمال ده، من خلال واحد من أقرب الشخصيات السينمائية لقلبي، التأمل ده للحب، لفن الخسارة، للحياة كأقلية ع الهامش في نفس الوقت اللي أنت فيه في قلب الأحداث، للصراع اللا نهائي بين رغبتك في التواؤم مع نفسك ورغبتك في الاندماج مع الناس، للوصال الحميم بين اتنين أو تلاتة بالكتير لايقين على بعض فشخ، لأنك تفك قبضة إيدك المضمومة على اللحظات الحلوة اللي راحت، لأنك تسيب نفسك من وقت للتاني لأكتر أفكارك الطايشة جموحًا في عز ما بتفكر تستسلم للكآبة، لأنك تشوف في الناس تقسيمة عينيهم وشكل ضحكتهم وجمالهم ووساختهم المستخبية ورا الدروع اللي حاطينها قدام بعض، لأنك تغلب خوفك بأنك مالكش لازمة وماحدش مهتم أنت عايز تقول إيه.


Download